Det nest siste bandet av Busetnadssoga for Volda inneheld omtale av busetnaden i øvre del av det som etter kvart blir kalla Volda sentrum – bustadfelta i Røyslida og matrikkelgarden Heltnane – og så ei komplett grendesoge for Vikebygda med Rotevatn, Bratteberget, Vassbotnen, Hoggja, Driveklepp, Nedrelida, Tømmerbakken og Fremmerlida. Røyslida høyrer elles til matrikkelgarden Halkjelsvik som dermed blir delt mellom band 4a og 4b.Boka er på 445 sider og er bygd opp på same måte som dei tidlegare utgjevne banda, men ho kjem altså før band 4a som vil dekkje resten av Volda sentrum, Øyralandet frå Grefsneset til Norddalen.