Det viktigaste med eit dikt er at det er gjennomlevd, ikkje at det er gjennomtenkt. Memento Lucem tilbyr "dikt langs livsvegen", då dei er blitt skrivne over mange år, under vekslande himmelstrok og levekår. Dikta er verken lange eller tunge, sjølv om alvorlege emne er omtala. Dei skifter frå lys til mørke, frå leik til alvor - som livet sjølv.Ingvild Wenum (f. Alstadsæter) voks opp på den gong veglause Styrkesnes i Nordland fylke. Ho gjekk norrønlina i Bø i Telemark, studerte til cand.real i kvartærgeologi i Bergen, og har gått skrivekunstlina ved Nansenskolen på Lillehammer. Ho har arbeidd for Norges Geologiske Undersøkelse og Statoil ASA. Ho er meir enn alminneleg oppteken av litteratur, natur og språk, og har reist mykje. Ho er busett i Oslo med mannen sin, og har to vaksne barn frå eit tidlegare ekteskap.